ئهمڕۆ 24/6 وهفدی ههرێمی كوردستان لهبهغدا كۆبوونهوه رهسمییهكانی لهگهڵ بهرپرسانی حكومهتی عیراق دهستپێدهكات و له چوارچێوهی سهردانهكهیاندا بهشداری له كۆبوونهوهی ههرسێ لایهنی سهرهكی پرۆسهی سیاسی عێراق كرد و برِیار وایه له ماوهی چهند رۆژی داهاتوودا درێژه به دیدار و وتوێژهكانی لهگهڵ بهرپرسانی حكومهتی عێراقی فیدراڵ بدات.
لهلێدوانێكی جهبار یاوهر ئهندامی وهفدی ههرێمی كوردستان لهبهغدا رایگهیاند: ئهمڕۆ وهفدی ههرێم كۆبوونهوهی رهسمی لهگهڵ نوری مالكی سهرۆك وهزیرانی عیراقدا ئهنجامدهدات، كۆبوونهوهكهش دهربارهی یاسای نهوت و گاز و ئهو ناكۆكییانه دهبێت كهلهسهر داهات ههن.
ناوبراو وتیشی: بودجهی وهزارهتی پێشمهرگه كهئهمساڵ بڕیاری لێوهدراوهو تائێستا جێبهجێنهكراوه، دروستكردنی 2 فیرقهی سهربازی لههێزی پێشمهرگهی كوردستان كهسهر بهوهزارهتی بهرگری عیراق دهبێت گفتووگۆیان لهبارهوه دهكرێت، ههروهها ههڵبژاردنی ئهنجومهنی پارێزگاكان بهتایبهتی پارێزگای كهركوك تهوهرێكی دیكهی وتووێژهكان دهبێت.
لهلایهکی ترهوه ههرسێ لایهنی سهرهكیی باسیان له پرۆسهی سیاسی عێراق و رهوشی ئێستای عێراق و پهیوهندییهكانی نێوانیان و بهرِێوهچوونی پرۆسهی ههڵبژاردنهكانی ئهنجومهنی پارێزگاكانی عێراق كرد و لایهنی كوردی پشتیوانی خۆیان بۆ سهرخستنی پرۆسهی ههڵبژاردنهكان دووپاتكردهوه.
شایانی باسه له لایهن پارتی دیموكراتی كوردستانهوه ههریهك له نێچیرڤان بارزانی سهرۆكی حكومهتی ههرێمی كوردستان و نوێنهری سهرۆكی ههرێمی كوردستان دكتۆر رۆژ نوری و له لایهن یهكێتی نیشتمانی كوردستانهوه ههریهك له سهرۆكی لیستی هاوپهیمانی كوردستان دكتۆر فواد مهعسوم و جێگری سهرۆك وهزیرانی عێراقی فیدراڵ دكتۆر بهرههم ئهحمهد ساڵح و له لایهن ئهنجومهنی باڵای ئیسلامی عێراقیشهوه عهمار حهكیم و جێگری سهرۆك كۆماری عێراقی فیدراڵ دكتۆر عادل عهبدولمههدی بهشداربوون.
وهڵامهکان (0)
پرینت
بینێره بۆ هاوڕێکهت
سهرهوه