|
ئهمریکا : تاڵهبانی و بوش چهندین پرسی گرنگ تاوتوێ دهکهن
Thursday, 06.26.2008, 07:14am (GMT)
دوێنێ 25/6 لهكۆشكی سپی سهرۆك بوش پێشوازیكرد لهسهرۆك تاڵهبانی و دووقۆڵی كۆبوونهوهیهكیان ئهنجامدا.
پاش كۆبوونهوهكه ههردوو سهرۆك ناوهرۆكی كۆبوونهوهكهیان بۆ رۆژنامهنووسان ئاشكراكرد. سهرۆك كۆماری عێراقی فێدڕاڵ "جهلال تاڵهبانی" له كۆتایی كۆبوونهوهكهیداگهشبینی خۆی سهبارهت بهڕێوهچوونی دانووستانهكانی نێوان ههردوو حكومهتی عێراق و ئهمهریكا بۆ گهیشتن به مۆركردنی رێككهوتننامه درێژخایهنهكهی نێوانیان خسته روو .
سهرهتاپاش بهخێرهێنانی سهرۆك تاڵهبانی بۆ كۆشكی سپی بوش وتی: دهستخۆشی لهسهرۆك تاڵهبانی دهكهم لهسهر ئهو پێشكهوتنانهی لهلایهن حكومهتی عیراقیهوه بهدیهاتوون.
وتیشی: ههموومان ههست بهوهدهكهین لهعیراقدا كه هێشتا كارێكی زۆرماوه دهبێت بكرێت لهپێناو بهدیهێنانی ژیانێكی ئازاد بۆ عیراقیهكان.
بوش ئاشكرایكرد: لهگهڵ سهرۆك تاڵهبانی باسی لهرێككهوتنی ستراتیژی نێوان عیراق و ئهمریكا كردووهو وتی: پێویسته ئهو رێككهوتننامهیه بهشێوهیهك بێت كه لهگهڵ حكومهتی عیراقدا بگونجێت.
ههروهك سهرۆك بوش ستایشی ههوڵهكانی ئهنجومهنی نوێنهرانی عیراقی كرد بۆ پهسهندكردن و گهڵاڵهكردنی سهرجهم ئهو یاسایانهی كه پهسهندی كردوون.
لهكۆتاییدا بوش روو لهسهرۆك تاڵهبانی وتی: شانازی دهكهم بهوهی تائێستا كردووتانه، سوپاس بۆ بڕیاره چارهنووسسازهكانتان.
لهلایهن خۆیهوه سهرۆك تاڵهبانی سوپاسی سهرۆك بوشی كرد بۆ ئهو پێشوازییه گهرمهو جۆرج بوشی بههاوڕێیهكی دڵسۆزی عیراقیهكان لهقهڵهمدا.
سهرۆك مام جهلال وتی: لهگهڵ سهرۆك بوشدا رێككهوتووین كه پێكهوه ههوڵبدهین بۆ گهیشتنه رێككهوتنێكی ستراتیژی لهنێوان عیراق و ئهمریكا، وتیشی: بهردهوامدهبین لههاوكاریكردنی یهكتر بۆ بهگژداچوونهوهی تیرۆرو گهشهپێكردنی دیموكراتی لهعیراق و خۆرههڵاتی ناوهڕاست.
پاشان تاڵهبانی وتی: ئێمه دهتوانیین ئهمساڵ دوویاسای زۆر گرنگ دهربكهین كه ئهویش یاسای نهوت و یاسای ههڵبژاردنهكانه.
ههروهها سهرۆك تاڵهبانی رایگهیاند: ههوڵدهدهین بۆ گهڕاندنهوهی ههموو لایهنه عیراقیهكان بۆ نا ئهنجومهنی نوێنهرانی عیراق و حكومهتی یهكێتیی نیشتمانی بهسهرۆكایهتی نوری مالكی.
ههروهك سهرۆك تاڵهبانی رایگهیاند: كه لهو كۆبوونهوهیهدا دواگۆڕانكارییه ئهمنییهكان و پرۆسه سهربازییهكانی هێزهكانی عیراقی لهپێناو ریشهكێشكردنی تاوانكاران و تیرۆرستان بهسهرۆك بوش راگهیاندووه.
سهبارهت به پهیوهندییهكانی نێوان عیراق و وڵاتانی هاوسێ و وڵاتانی جیهانی عهرهبیش سهرۆك تاڵهبانی رایگهیاند: عیراق ههوڵدهدات پهیوهندیهكانی باش بكات لهگهڵ وڵاتانی توركیاو سوریاو ئێران و كوێت و میسرو ئوردن لهئێستاو لهداهاتوودا.
جێی ئاماژهیه، ههردوو حكومهتی عێراق و ویلایهته یهكگرتوهكانی ئهمهریكا دانووستانهكانیان سهبارهت به مۆركردنی رێككهوتننامهیهكی درێژخایهن كه بناغهیهكی یاسایی بۆ هێشتنهوهی هێزهكانی ئهمهریكا له عێراق دادهنێت و پهیوهندییه سیاسی و ئهمنی و ئابورییهكانی نێوان ههردوو وڵاتیش دیاری دهكات، دهستپێكردووه.
|
وهڵامهکان (0)
پرینت
بینێره بۆ هاوڕێکهت
سهرهوه