دوێنێ 1/7 له‌كۆشكی كۆماری له‌ئه‌سینای پایته‌ختی یۆنان، كارلۆس پاپولیاس سه‌رۆكی یۆنان پێشوازیكرد له‌مام جه‌لال سه‌رۆك كۆماری عیراق. له‌ به‌یاننامه‌یه‌كدا نوسینگه‌ی سه‌رۆكایه‌تی كۆماری عێراق ڕایگه‌یاند : دوێنێ سێشه‌ممه‌ سه‌رۆك تاڵه‌بانی له‌ ئه‌سینای پایته‌خت و  له‌ كۆشكی كۆماری یۆنان له‌گه‌ڵ سه‌رۆكی ئه‌و وڵاته‌دا كۆبویه‌وه‌.
له‌دیدارێكی دۆستانه‌دا سه‌رۆكی یۆنان به‌خێرهێنانی سه‌رۆك تاڵه‌بانی كرد بۆ وڵاتی یۆنان و بایه‌خی خۆی بۆ به‌ره‌وپێشبردنی په‌یوه‌ندییه‌كانی نێوان یۆنان و عیراق به‌سه‌رۆك تاڵه‌بانی راگه‌یاند.
له‌لایه‌ن خۆیه‌وه‌ سه‌رۆك مام جه‌لال سوپاسی سه‌رۆك كارلۆس پاپولیاس-ی كردو ته‌ئكیدی له‌سه‌ر ئاره‌زووی عیراق بۆ پته‌وكردنی په‌یوه‌ندییه‌كانی له‌گه‌ڵ وڵاتی یۆنان كرده‌وه‌.
هه‌ر له‌و دیداره‌دا مام جه‌لال به‌دووروودرێژی ئه‌و پێشكه‌وتنانه‌ی بۆ سه‌رۆكی یۆنان باسكرد كه‌ له‌بارودۆخی ئه‌منی عیراق هاتوونه‌ته‌دی له‌به‌ره‌نگاربوونه‌وه‌ی گروپه‌ تێكده‌ره‌كان و له‌یاسا لاده‌ران.
هه‌روه‌ها سه‌رۆك تاڵه‌بانی له‌گه‌ڵ سه‌رۆكی یۆناندا باسی له‌پرۆسه‌ی ئاشته‌وایی نیشتمانی و گه‌ڕانه‌وه‌ی كوتله‌ی ته‌وافوق بۆ ناو حكومه‌ت و هه‌وڵه‌كان بۆ ده‌ركردنی یاسای نه‌وت وگازو هه‌ڵبژاردنی ئه‌نجومه‌نی پارێزگاكانی عیراق كردو تیشكی خسته‌ سه‌ر گفتوگۆكانی تایبه‌ت به‌رێككه‌وتنی ستراتیژی نێوان عیراق و ئه‌مریكا.
له‌دیداره‌كه‌دا فه‌خری كه‌ریم گه‌وره‌ راوێژكاری سه‌رۆك كۆماری عیراق و  حاتم ئه‌لخوام باڵیۆزی عیراق له‌یۆنان ئاماده‌بوون.

له‌درێژه‌ی‌ مانه‌وه‌ی‌ جه‌لال تاڵه‌بانی‌ سه‌رۆك كۆماری‌ عێراق له‌ئه‌سینای‌ پایته‌ختی‌ یۆنان دوێنێ‌ چاوی‌ كه‌وت به‌(فیرینتس یۆرگانی‌)-سه‌رۆك وه‌زیری‌ هه‌نگاریاو له‌دیدارێكیشدا جگه‌ له‌باسكردنی‌ په‌یوه‌ندیه‌كانی‌ نێوان هه‌ردو ولاَت و دواگۆڕانكاریه‌ سیاسیه‌كانی‌ عێراق، له‌لایه‌ن سه‌رۆك كۆماره‌وه‌  به‌ره‌سمی‌ داوا له‌سه‌رۆك وه‌زیرانی‌ هه‌نگاریا كرا ،سه‌ردانی‌ عێراق بكات.

 

وه‌ڵامه‌کان (0)

پرینت

بینێره‌ بۆ هاوڕێکه‌ت

سه‌ره‌وه‌

---