ئه‌مڕۆ هێزه‌كانی پۆلیسی دۆمیز له‌كه‌ركوك گه‌وره‌ تیرۆریستێكی سه‌ر به‌ رێكخراوی تیرۆریستیی ئه‌لقاعیده‌ یان له‌نزیك پردی چوار ده‌ستگیركردو دانی به‌وه‌شدا ناوه‌ كه‌ تۆڕێكی تیرۆریستی سه‌ر به‌رێكخراوی ئه‌لقاعیده‌ له‌ خانه‌قی دا هه‌ن و جێگیربوون.
له‌وباره‌یه‌وه‌ سه‌رچاوه‌یه‌ک  راگه‌یاند: تیرۆریسته‌كه‌ ناوی ره‌بیع ناجی جاسمه‌‌ و له‌دایكبووی ساڵی 1980 دیاله‌یه‌و به‌مه‌به‌ستی ئه‌نجامدانی كاری تیرۆریستی له‌دیاله‌وه‌ به‌نهێنی رووی له‌ كه‌ركوك كردووه‌.
تیرۆریسته‌كه‌ له‌كاتی لێكۆڵینه‌وه‌دا دانی به‌وه‌شدا ناوه‌ كه‌ له‌دیاله‌ چه‌ندین كرده‌وه‌ی تیرۆریستی و چاندنی بۆمب و كوشتنی ئه‌نجامداوه‌.