ئێواره‌ی دوێنێ 26/8 له‌میانه‌ی كۆبوونه‌وه‌ی ئه‌نجوومه‌نی جێبه‌جێكارییدا له‌به‌غدا د.تارق هاشمی جێگری سه‌رۆك كۆماری عیراق له‌نووسینگه‌ی تایبه‌تی خۆی له‌گه‌ڵ د.عادل عه‌بدولمه‌هدی و د.نوری مالكی کۆبوه‌وه‌ له‌و باره‌یه‌وه‌ سه‌رچاوه‌ هه‌واڵییه‌کان رایانگه‌یاند : له‌ کۆبونه‌وه‌که‌دا باس له‌ چه‌ندین پێشهات و گرفتکراوه‌‌  كه‌ تێیدا دۆسییه‌ی‌ كێشه‌كانی‌ نێوان كوێت‌و عێراق به‌ته‌واوه‌تی‌ باسی‌ لێوه‌ كراوه‌و له‌گه‌ڵ کێشه‌کانی ناوچه‌ی خانه‌قین و ده‌وروبه‌ری.
له‌ به‌شێکی تری ‌كۆبوونه‌وه‌كه‌دا رێڕه‌ی دانوستانه‌كانی نێوان عیراق و ئه‌مریكا سه‌باره‌ت به‌مانه‌وه‌ی هێزه‌كانی ئه‌مریكا  له‌عیراق، تاووتوێكران.
سه‌رجاوه‌که‌ ڕاشیگه‌یاند : ره‌وشی ئه‌منی له‌خانه‌قی و ئه‌و كۆسپانه‌ی له‌به‌رده‌م پلانی مژده‌ی چاكه‌دان له‌دیاله‌ باسكران و له‌و رووه‌وه‌ ئه‌نجوومه‌ن دانی نا به‌پێویستی ئه‌نجامدانی گفتۆگۆی به‌په‌له‌و له‌سه‌ر ئاستی باڵا له‌نێوان ده‌سه‌ڵاتدارانی هه‌رێمی كوردستان و به‌غدا بۆ چاره‌سه‌كردنی كێشه‌كان.

له‌لایه‌کی تره‌وه‌ ئه‌نجومه‌نی‌ وه‌زیران نیگه‌رانی‌ خۆی‌ ده‌ربڕیوه‌ به‌رامبه‌ر مانه‌وه‌‌و چاره‌سه‌رنه‌كردنی‌ كێشه‌ هه‌ڵپه‌سێردراوه‌كانی‌ نێوان عێراق‌و كوێت كه‌ به‌هۆی‌ سیاسه‌ته‌ خراپه‌كانی‌ رژێمی‌ پێشووه‌وه‌ دروستبوون، رونیشیكرده‌وه‌ چاره‌سه‌رنه‌كردنی‌ كێشه‌ هه‌ڵپه‌سێردراوه‌كانی‌ نێوان هه‌ردو وڵات زیان به‌به‌رژه‌وه‌ندییه‌كانی‌ هه‌ردولا ده‌گه‌یه‌نێت.