فه‌له‌كه‌دین كاكه‌یی وه‌زیری رۆشنبیری حكومه‌تی هه‌رێمی كوردستان برِیاریداوه‌ ده‌ست له‌كار بكێشێته‌وه‌و خۆی بۆ كاری سیاسی ته‌رخان بكات.له‌لێدوانێكدا بۆ ده‌زگاكانی راگه‌یاندن فه‌له‌كه‌دین كاكه‌یی رایگه‌یاند: به‌نیازه‌ ده‌ست له‌كار بكێشێته‌وه‌و خۆی بۆ كاروباری سیاسی ته‌رخانبكات.
وه‌زیری رۆشنبیری ئاماژه‌ی به‌وه‌شدا كه‌به‌م نزیكانه‌ ده‌ست له‌كاركێشانه‌وه‌كه‌ی خۆی ئاڕاسته‌ی سه‌رۆكایه‌تی ئه‌نجومه‌نی وه‌زیران ده‌كات و دوای تاووتوێكردن و ره‌زامه‌ندی سه‌رۆكایه‌تی حكومه‌ت له‌سه‌ر داواكه‌ی ئه‌و سه‌رقاڵی كاری سیاسی ده‌بێت، به‌تایبه‌ت كه‌چه‌ندین روداوی سیاسی گرنگ له‌كوردستان و ناوچه‌كه‌ له‌ئارادایه‌.