نووسینگه‌ی تارق هاشمی جێگری سه‌رۆك كۆماری عێراق به‌یاننامه‌یه‌كی بڵاوكرده‌وه‌، كه‌ تیایدا هاتووه‌ ئه‌و رێككه‌وتنامه‌ حزبی ئیسلامی عێراقی له‌گه‌ڵ پارتی دیموكراتی كوردستان و یه‌كێتی نیشتمانی كوردستان مۆریكرد، هیچ نهێنیه‌یکی تیادا نییه‌.
به‌ پێی هه‌واڵی رادیۆ(سه‌وا) له‌ به‌یاننامه‌كه‌دا هاتووه‌، ئه‌و رێككه‌وتنامه‌ی  كه‌ له‌ 24 ی مانگی رابردوو له‌ نێوان ئه‌م سێ لایه‌نه‌ مۆركرا، نیشانه‌ی ئه‌وه‌یه‌ كه‌ ئه‌م سێ حزبه‌  دید و روانینی هاوبه‌شیان هه‌یه‌ بۆ  چه‌ندین مه‌سه‌له‌ی نیشتمانی وسیاسی وهیچ لایه‌نێك له‌ مافه‌كانی خۆی خۆش نه‌بووه‌.
هه‌روه‌ها له‌ به‌یاننامه‌كه‌دا هاتووه‌، كه‌ هاشمی له‌ میانی دیداره‌كه‌ی له‌ گه‌ڵ "ده‌ریا قاتبای" باڵیۆزی توركیا له‌ به‌غدا  چه‌ند پێشنیارێكی خسته‌روو بۆ لابردنی ئه‌و لێكتێنه‌گیشتنه‌ی سه‌باره‌ت به‌ هێرشه‌كانی توركیا بۆ سه‌ر خاكی هه‌رێمی كوردستا ئه‌نجامدرا و داوای كرد كه‌ پێویسته‌ ئه‌م هێرشانه‌ به‌ هه‌ماهه‌نگی له‌گه‌ڵ حكومه‌تی به‌غدا ئه‌نجامبدرێت.